Datblygwyd y Cynllun Gweithredu Sgiliau Creadigol i ganolbwyntio ar anghenion sgiliau tymor byr a hirdymor ein tri phrif sector: cerddoriaeth, cynnwys digidol a sgrin.
Wedi'i lansio yn 2022, cafodd y cynllun gweithredu tair blynedd ei lunio gan y Panel Cynghori ar Sgiliau Creadigol – grŵp o arbenigwyr yn y diwydiant a sefydlwyd gan Cymru Greadigol ym mis Mai 2022. Mae'n gynllun tair blynedd a fydd yn parhau i esblygu wrth inni ymateb i heriau a chyfleoedd y dyfodol yn y diwydiannau creadigol.
Mae'r Cynllun Gweithredu Sgiliau Creadigol yn nodi 10 maes blaenoriaeth ar gyfer anghenion sgiliau y mae'n rhaid mynd i'r afael â nhw er mwyn i'n gweithlu ffynnu.
- Hyfforddi busnesau ac arweinwyr
- Cefnogi talent
- Recriwtio cynhwysol ac amrywiol
- Lleoliadau a chyfleoedd ar lefel sylfaen
- Lleoliadau a chyfleoedd i wella sgiliau
- Addysg a’r cwricwlwm newydd
- Ymwybyddiaeth o yrfaoedd
- Arloesi
- Pontio’r bwlch rhwng addysg bellach/uwch a diwydiant
- Lles y gweithlu a chefnogi gweithwyr llawrydd.
Fel rhan o’n cynllun gweithredu, rydyn ni wedi ail-gyflwyno Cronfa Sgiliau Creadigol.
Lawrlwythiadau
Deg maes blaenoriaeth ar gyfer anghenion sgiliau dros y tair blynedd nesaf
