NYAW training session at Rockfield Studios, a 2023 creative skills project

Os ydych chi’n ystyried gyrfa yn niwydiannau creadigol Cymru, rydych chi yn y lle iawn. O brentisiaethau a hyfforddeiaethau i gyrsiau byr a chyfleoedd rhwydweithio, mae sawl llwybr gwahanol i’w harchwilio.

Rydyn ni’n cefnogi nifer o fentrau sy’n gallu rhoi cymorth i chi, ac mae gennym bartneriaethau cryf gyda sefydliadau sy’n arbenigo yn y maes, fel bod mwy o gyfleoedd ar gael i bobl o bob cefndir.

Edrychwch isod am rai o’r prosiectau a’r mentrau sydd wedi’u datblygu i’ch helpu chi i gymryd y cam cyntaf yn eich gyrfa.

  • Beacons Cymru Sector Cerddoriaeth

    Mae Beacons yn sefydliad Cymru gyfan sy'n ceisio grymuso'r genhedlaeth nesaf o bobl greadigol sydd eisiau gweithio yn y diwydiant cerddoriaeth. Rydyn ni wedi gweithio gyda nhw ar amryw o brosiectau cerddoriaeth. Mae gennyn ni erthygl am eu Sesiynau Honey yma. Gallwch hefyd ddarllen cyfweliad â Yasmine, swyddog prosiect Resonant. 

    Dysgwch fwy

  • Porth Anthem Sector Cerddoriaeth

    Mae'r Porth ar gyfer pobl ifanc yng Nghymru sy'n caru cerddoriaeth ac sydd am ddarganfod sut y gallant gymryd rhan. Mae yma i'ch helpu i feithrin gwell dealltwriaeth o sut mae'r diwydiant cerddoriaeth yn gweithio a chreu llwybr i'ch gyrfa yn y dyfodol, boed hynny ar y llwyfan, cefn llwyfan, swyddfa gefn neu yn y gynulleidfa.

    Dysgwch fwy

  • Siop Un Stop Sector Ffilm a Theledu

    Os ydych chi’n awyddus i gychwyn ar eich gyrfa ym maes ffilm a theledu, mae’r wefan hon yn lle gwych i archwilio cyfleoedd gwaith a hyfforddiant cyfredol.

    Mae hefyd yn fan lle gallwch bostio swyddi gwag a chysylltu â phobl eraill yn y sector ffilm a theledu.

    Dysgwch fwy

  • Sgil Cymru Sector Ffilm a Theledu

    Os prentisiaeth yr ydych chi'n chwilio amdani, yna mae Sgil Cymru yn lle gwych i ddechrau. Mae eu rhaglen brentisiaeth 12, a gynhelir ar y cyd â CRIW, yn agored i'r rhai sydd am weithio y tu ôl i'r llen ar amrywiaeth o gynyrchiadau teledu a ffilm yng Nghymru. Gwnaethon ni siarad â phedwar prentis am eu profiadau ar raglen brentisiaeth CRIW. Ewch i'w gwefan i ddysgu mwy am gyfleoedd prentisiaeth CRIW yng Ngogledd Cymru a De Cymru.

    Dysgwch fwy

  • National Film and Television School (NFTS) Cymru Wales Sector Ffilm a Theledu

    Mae'r ganolfan hon yn bartneriaeth rhwng Cymru Greadigol, BBC Wales a'r National Film and Television School (NFTS). Mae'r prosiect hwn wedi'i leoli yn BBC Cymru yn Sgwâr Canolog Caerdydd, ac mae'n darparu amrediad eang o gyrsiau hyfforddi byr o'r radd flaenaf. Mae bwrsariaethau a ariennir gan Lywodraeth Cymru ar gael ar gyfer pob cwrs. Ewch i’r wefan i ddarganfod mwy. Neu gallwch bori drwy’n herthyglau i ddarllen cyfweliadau â chyn-dderbynwyr bwrsariaeth NFTS.

    Dysgwch fwy

  • Screen Alliance Wales Sector Ffilm a Theledu

    Mae Screen Alliance Wales yn darparu cyfleoedd dan hyfforddiant ac yn hyrwyddo cyfleoedd gwaith yn rheolaidd i'ch helpu i gael y swydd gyntaf honno.  Ewch i'w gwefan i ddysgu mwy a chadw llygad ar eu sianeli cymdeithasol am yr wybodaeth ddiweddaraf.

    Dysgwch fwy

  • ScreenSkills Sector Ffilm a Theledu

    O fodiwlau e-ddysgu i hyfforddiant, digwyddiadau a chyfleoedd cyllid – mae ScreenSkills yn gorff sgiliau'r DU gyfan ar gyfer y sector sgrin. Mae'n darparu hyfforddiant a gwybodaeth am yrfaoedd i'r rhai sy'n awyddus i dorri i mewn i'r diwydiant neu ddatblygu eu gyrfaoedd. 

    Dysgwch fwy

  • Rhaglen rad Cymru Wales Sector Ffilm a Theledu

    Mae hyfforddeiaeth rad Cymru yn gyfle â thâl o fewn cwmni cynhyrchu teledu yng Nghymru. Nod y rhaglen yw chwalu'r rhwystrau sy'n atal y rhai sydd heb gynrychiolaeth ddigonol rhag ymuno â'r diwydiant, gan gynnwys pobl ag anabledd, o gymunedau Du, Asiaidd neu Ethnig leiafrifol, neu o gefndir difreintiedig. Mae rhagor o wybodaeth ar eu gwefan am yr hyfforddeiaeth, gan gynnwys y math o hyfforddiant y bydd cyfranogwyr yn ei gael. Ewch i'w gwefan i weld a yw'n addas ichi ac i weld pryd mae'r rownd recriwtio nesaf yn agor.

    Dysgwch fwy

  • Cyswllt Diwylliant Cymru Sector Ffilm a Theledu

    Nod y rhaglen hon yw cynyddu talent amrywiol yn sector sgrin Cymru. Maent wedi ymrwymo i greu a chynyddu cyfleoedd i gymunedau amrywiol ledled Cymru. I wneud hyn, maent yn hyrwyddo swyddi a chyfleoedd ac yn cynnig cyngor a chymorth i unigolion o grwpiau heb gynrychiolaeth ddigonol ynghylch sut i ymuno â'r sector. Maent hefyd yn awyddus i helpu'r rhai sydd eisoes yn y diwydiant i ddod o hyd i'w rôl nesaf.

    Os oes gennych ddiddordeb yn rhaglen Cyswllt Diwylliant Cymru yna edrychwch ar eu safle i ddod o hyd i'r prosiect iawn i chi – maent yn cynnig amrediad eang o gyfleoedd, o gyrsiau i swyddi.  Gallwch ddarllen ein herthygl amdanyn nhw yma.

    Dysgwch fwy

Darllenwch ein herthyglau ‘Sut i…’ am gyngor ymarferol gan arbenigwyr y diwydiant.

Sut brofiad yw bod yn brentis yn y diwydiant ffilm a theledu yng Nghymru?

Dros y blynyddoedd diwethaf, mae nifer cynyddol o gynyrchiadau mawr eu cyllideb wedi dewis ffilmio yng Nghymru, gan gynnwys His Dark Materials, Sex Education, The Almond and the Seahorse a Timestalker. I helpu’r sector i dyfu ac i feithrin talent, mae’n ofynnol i unrhyw gynhyrchiad sy’n derbyn cyllid gennym ni gynnig lleoliadau hyfforddi â thâl yn ystod y gwaith cynhyrchu.

I gynyddu nifer y prentisiaethau, mae’n rhaid i o leiaf un o’r lleoliadau hyn gael ei gynnig i brentis achrededig. Felly, mae’n gyfnod cyffrous iawn i fod yn rhan o’r diwydiant teledu a ffilm yng Nghymru!