Cynhyrchu cynaliadwy

Yma yng Nghymru, rydyn ni’n gwneud pethau’n wahanol. Mae ein dull yn cael ei lywio gan Ddeddf Llesiant Cenedlaethau’r Dyfodol – deddf Gymreig sy’n sicrhau bod pob penderfyniad yn ystyried ei effaith hirdymor ar yr amgylchedd, yr economi, y gymdeithas a’r diwylliant.

Rydyn ni eisiau tyfu’r sector sgrin yng Nghymru yn y ffordd fwyaf cynaliadwy ac gyfrifol bosibl. Rydyn ni’n annog pob cynhyrchiad sy’n ffilmio yma i fabwysiadu arferion cynaliadwy er mwyn lleihau allyriadau carbon, lleihau gwastraff a chefnogi gweithlu teg, amrywiol a gwydn.

Gyda’n partneriaid, rydyn ni’n falch o gefnogi Cynllun Trawsnewid Screen New Deal Cymru – map ffordd cenedlaethol sydd wedi’i gynllunio i helpu cynyrchiadau ffilm a theledu i symud tuag at sero-net ac at sero-wastraff. Datblygwyd y cynllun gan Arup a BAFTA albert gyda chefnogaeth y BFI, ac mae’n canolbwyntio ar feysydd allweddol fel defnydd ynni, rheoli gwastraff, trafnidiaeth a meithrin diwylliant o gynaliadwyedd.

Mae ein cyfranogiad, ochr yn ochr â’n partneriaid Media Cymru a Ffilm Cymru Wales, yn cyd-fynd yn llwyr â Deddf Llesiant Cenedlaethau’r Dyfodol. Trwy ein buddsoddiad parhaus mewn cynhyrchu cynaliadwy a phrosiectau cysylltiedig, rydyn ni’n helpu i lunio sector sgrin mwy gwydn, teg ac amgylcheddol gyfrifol yng Nghymru.